नगरपालिका व ग्रामपंचायतीतील खुल्या भूखंडाचे प्रापर्टी कार्डमधील धरणाधिकार प्रकार/सत्ता प्रकार

नगरपालिका व ग्रामपंचायत हद्दीतील खुल्या भूखंडाचे प्रॉपर्टी कार्डमध्ये नमुना ड उताऱ्यात धरणाधिकार प्रकार/सत्ता प्रकार अ,ब,क,ड,ई, अशा वर्ण मालेत दर्शवले जातात त्याचा शासकीय अर्थ खालील प्रमाणे .

ग्रामपंचायत हद्दीतील सत्ताप्रकार तपशील :-

अ :- गावठाणातील पडी नंबर व्यतिरिक्त मिळकती ज्या परंपरेनुसार सारा माफीस पात्र आहेत अशा मिळकती

ब :- शासनाकडून भाडेपट्ट्याने घेतलेल्या मिळकती.

क-१ :- गावठाणातील पडी नंबर पैकी अकृषिक कारणासाठी उपयोगात आणलेल्या मिळकती ज्या महाराष्ठ्र जमीन महसूल अधिनियमाच्या कलम १२५ अन्वये अकृषिक आकार, दंड कृती यांस पात्र आहेत अशा मिळकती.

क -२ :- गावठाण बाहेरील शेतीसाठी आकारणी केलेल्या परंतु अकृषिक कारणांसाठी उपयोगात आणलेल्या मिळकती ज्या महाराष्ट्र जमीन महसूल अधिनियमाच्या कलम ४५ प्रमाणे अकृषिक आकार दंड कृती यांस पात्र आहेत अशी मिळकत

क -३ :-ज्या अकृषिक आकार भरला जातो अशा मिळकती.

ड :- सार्वजनिक अथवा विशिष्ट कारणासाठी उपयोगात आणलेल्या अथवा राखून ठेवलेल्या मिळकती

इ :- जिल्हा परिषद अथवा ग्रामपंचायत यांच्या मालकीच्या अथवा त्यांचेकडे हस्तांतरित केलेल्या मिळकती

ग :- शासनाच्या मालकीच्या मिळकती

प्रचलित पद्धतीनुसार मुंबई शहरात वापरात असलेला सत्ता प्रकार

अ :- रूढीगत सारा माफी

अ -१ :- गावठाणातील खाजगी मालकीचे जमीनीचे तुकडे

अ -२ :- गावठाणातील परडी जमीन

ब :- शासनाचे भाडेपट्टयान्वये भाडे भारत असलेली जमीन

ब -१ :- शासन प्रदान जमीन

क :- जमीन धारा भारत असलेली जमीन

क -१ :- अकृषिक महसुलास पात्र जमीन

ड :- नगरपालिकेने विकलेली जमीन

ई :- नगरपालिकेने भाडे पट्ट्याने दिलेली जमीन

फ. नगरपालिकेने सार्वजनिक कामासाठी धारण केलेली जमीन धार्मिक/धर्मादाय शैक्षणिक यासाठी बिगर फायदेशीर कामासाठी धारण केलेली जमीन

फ-१ :- नागरपालिकेने फायदेशीर कामासाठी धारण केलेली जमीन

ग :- शासकीय जमीन

ग-१ :- मध्यवर्ती शासनाची जमीन

ह :- धार्मिक/धर्मदाय किंवा सार्वजनिक प्रयोजनासाठी धारण केलेली जमीन

ह-१ :- म्हाड / सिडको यासारख्या शासकीय उपक्रमांनी धारण केलेली जमीन

ह -२ :- शासकीय उपक्रमांनी भाडेपट्ट्याने दिलेली जमीन.

ह -३ :- LIC / BEST या सारख्या उपक्रमांनी धारण केलेली जमीन

इ :- गृहनिर्माण संस्थेच्या मालकीची जमीन